مواطنة سودانية تبعث برسالة لقيادة الجيش بخصوص احتلال المقدم طيار أسعد عثمان إسحق لمنزلها بالثورة

أم درمان: مراديس نيوز

بعثت المواطنة الدكتورة سعاد سعاد حسين بدوى رسالة تبث فيها شكواها للشعب السوداني ومسؤولي الدولة وقيادة الجيش بخصوص احتلال المقدم طيار أسعد عثمان إسحق لمنزلها تقول فيها:

انا المواطنة السودانية دكتورة سعاد حسين بدوي . أتقدم بشكوى لكل الشعب السودانى وأي مسؤول فى الدولة السودانية وقيادة الجيش
القصة مفادها الآتي :-
“عندنا بيتنا بأسم والدتي في أمدرمان الثورة الحارة 96 الإسكان منزل رقم 860 قام باحتلاله  المقدم طيار/ اسعد عثمان إسحاق وطرد الجماعية الحارسنو وكسر الكوالين والطبل ودخّل أسرته واخته واولادها واحفادها (شفع وكبار ) استخدموا كل الغرف والمطبخ والمكيفات ومشيت لقائد الحارة 95 المقدم/أسعد محمد صالح في مكتبه وطلب مني إحضار أوراق البيت وسلمته صور الأوراق

وهذا البيت ساكنه فيهو أختي من أمي وهي موظفه بوزارة الرعاية الإجتماعية باحث اجتماعي اكتف في شغلها السبب في احتلال البيت بلغ رقيب امني يدعي/محمد عبدالوهاب ملقب بكابوكي لأنها أختي سافرت نيالا قبل الحرب لتصوم مع الوالدة وكالعادة في اي عام تمش إجازة في رمضان طيب اطلب منكم جميعا تنشروا هذه القضية في منصات التواصل الاجتماعي اتهموا أختي إنها دعامية لي لأنها سافرت نيالا ورزيقية وعند حضورنا وسألوا عبدالوهاب كابوكي من ذلك قال مامتأكد، وأكد لنا أحد افراد القسم وبشهادة الجيران انها مواطنة عاديه وافتكروا هي بعيده ولو قالوا دعامية الناس تخاف وماتجي تسأل من البيت واتصلنا علي عدة جهات في الاستخبارات العسكرية بحيث يسلمونا البيت لانه حايهلك ويستهلك والدرابزين كسروهو الشفع واوعدونا بتسليمه لكن هيهات هيهات لان الاحتلاهو ساعتو المقدم وعند ذهابي للبيت قلت الم المراتب في غرفة النوم واقفلها رفضوا بشدة اخت المقدم قالت لي احترمي نفسك كاني أنا في بيتها!!!!و مانطلع ولا نأجر قاعدين هنا قلت ليها لقيتي الشجر والزهور والضل البارد المفروض تقولي حصل التباس، ونحنا في ظروف حرب جابونا وشكرا ليكم نلقي بيت ونطلع ورجعت لادارتهم في ال95 قالوا لي ماتمشوا ليهم هذا كل الحاصل معانا